Тіл - ұлттың жаны

Ана тілді қадірлеп ұстайтын ұлттың болашағы жарқын. Себебі, тіл қай елде, жерде болмасын ең қасиетті де қастерлі. Тіл - әрбір тәуелсіз елдің мақтанышы, абыройы.

       Қазақстан халқының тілдер апталығы аясында 2019 жылдың 

16 қыркүйек күні қазақ тілі пәнінің оқытушылары  А.Ш.Омарова мен Д.Қ.Хасенова ОП-11 және ТМ-12 тобы студенттерінің арасында «Тіл - ұлттың жаны» деп аталған интеллектуалды ойын өткізді.

       Ойын тапсырмалары ғылымның әр саласынан алынған жеті кезеңнен тұрды. «Ақылды аспаздар» мен «Әділет» тобының ойыншылары ойынға белсенді қатысып, өздерінің білімдерін, танымпаздықтарын көрсете алды.  

       Екі топтың жанкүйерлері де қатысып, өз тобына жандары ашып, көмек көрсетуге дайын отырды.

       Әділқазылар алқасы ойынның нәтижелерін қорытындылап, екі топты грамоталармен марапаттады. Ойынға қатысушыларға тәтті сыйлықтар тапсырылды. Ойын өте тартымды, қызықты да көңілді өтті.