Ата-аналармен кездесу

Көкшетау қаласының №1 құрылыс-техникалық колледжінде 14.10.2019 ата-аналар конференциясы өтті. Конференцияны өткізу мақсаты: студенттердің психологиялық және педагогикалық білім алу қажеттілігін дамыту; ата-аналарды жас ерекшелігі туралы ғылыми мәліметтермен қаруландыру; жасөспірімдердің жас ерекшеліктерін ескере отырып, мінез-құлық желісін қалыптастыру. Ата-аналар конференциясында колледж директоры А. Б. Омаров және директордың оқу-өндірістік, оқу, оқу-тәрбие жұмыстары бойынша орынбасарлары сөз сөйледі. Ата-аналар білім беру мекемесінің Жарғысымен, Колледждің ішкі тәртіп Ережелерімен, колледждің 2017-2021 жылдарға арналған Стратегиялық жоспарының негізгі бағыттарымен, оқу-тәрбие процесін ұйымдастыру туралы ережелермен танысты. Колледждегі оқу процесі -бұл мамандарды даярлаудың қазіргі заманғы деңгейі, теориялық және практикалық оқытудың оңтайлы арақатынасы. Директордың оқу-тәрбие ісі жөніндегі орынбасары Сембаева А. К. 1 курс студенттерінің бейімделуіне ата-аналардың назарын аударды. Бірінші курс студенттері үшін оқудың алғашқы күнінен бастап жыл сайынғы жоспарлау негізінде құрылған әлеуметтік-психологиялық бейімделу бағдарламасы жүзеге асырылуда. Колледж психологы Кудабаева И. И. денсаулықты және өмірлік дағдыларды қалыптастыру, сондай-ақ кәмелетке толмағандар арасында суицидтің алдын алу бағдарламасымен сөз сөйледі. Жиналысқа колледждің Қамқоршылық кеңесінің төрағасы Кусаин Г. К. қатысты.

Жиналыс соңында ата-аналар оқытушыларға, өндірістік оқыту шеберлеріне, колледж әкімшілігіне өздерін толғандырған сұрақтарын қоя алды. Жалпы жиналыс тиімді өтті. Педагогтер мен студенттердің ата-аналары да өзара іс-қимыл және талаптардың бірлігі қажет екенін атап өтті.

А.Сембаева